З 1 лютага 2005 года на краіны блізкага і далёкага замежжа вяшчае міжнародны спадарожнікавы тэлеканал "Беларусь-ТБ", створаны Нацыянальнай дзяржаўнай тэлерадыёкампаніяй Рэспублікі Беларусь для замежных тэлегледачоў, перш за ўсё, для руска- і беларускамоўных жыхароў постсавецкай прасторы, якія жадаюць аператыўна атрымліваць усебаковую і дакладную інфармацыю аб Беларусі.

"Беларусь-ТБ" - гэта дзяржаўны некамерцыйны тэлеканал, які кругласутачна вяшчае за межы сваёй краіны і што забяспечвае інфармацыйную сувязь этнічных беларусаў з гістарычнай радзімай. Вяшчанне ажыццяўляецца на беларускай і рускай мовах.

Мэты тэлеканала "Беларусь-ТБ" - пашырэнне беларускай інфармацыйнай прысутнасці на постсавецкай прасторы і ў свеце, фарміраванне пазітыўнага іміджу і ўмацаванне аўтарытэту Рэспублікі Беларусь на міжнароднай арэне.

Тэлеканал "Беларусь-ТБ" уваходзіць у структуру Нацыянальнай дзяржаўнай тэлерадыёкампаніі Рэспублікі Беларусь, у складзе якой таксама тэлеканалы "Першы", "ЛАД", 5 абласных тэлерадыёаб'яднанняў, Першы нацыянальны канал Беларускага радыё, радыёканал "Культура", радыёстанцыі "Беларусь", "Сталіца", "Радыус- FM".

У эфіры максімальна прадстаўлены інфармацыйныя і інфармацыйна-аналітычныя праграмы, сацыяльна-палітычныя праекты, дакументальныя фільмы, гісторыя і культура беларускага народа, спорт, музычна-забаўляльныя і дзіцячыя праграмы, кінапаказ - лепшае ад найбуйнейшых беларускіх вытворцаў тэле-, кіна- і відэапрадукцыі.

Першапачаткова праграмы тэлеканала "Беларусь-ТБ" распаўсюджваліся праз спадарожнікі Intelsat 904, ABS-1. З 7 мая 2007 года праграмы беларускага канала рэтранслююцца з дапамогай спадарожніка "Экспрэс-АМ22", які забяспечвае сувязь і вяшчанне на тэрыторыі Расіі (ад Калінінграда да Урала), краін СНД, Еўропы, Блізкага Усходу і Паўночнай Афрыкі.

Тэлеканал "Беларусь-ТБ" мае ліцэнзію на ажыццяўленне вяшчання на тэрыторыі Расійскай Федэрацыі.

Праграмы тэлеканала "Беларусь-ТБ" можна глядзець у прамым эфіры і ў Інтэрнэце на нашым сайце.

Паводле вынікаў даследаванняў беларускіх і расійскіх сацыёлагаў тэлеканал "Беларусь-ТБ" вельмі папулярны ў тых рэгіёнах, дзе ён уключаны ў пакеты кабельных сетак.

Выбар тэлегледачоў можа тлумачыцца "сацыяльна-адказным" кірункам праграм тэлеканала, які не страціў дзіцячага, асветніцкага, сацыяльна-палітычнага вяшчання.

Тэлеканал "Беларусь-ТБ" названы падзеяй года ў інфармацыйнай прасторы Еўразіі на VIII Еўразійскім тэлефоруме, што праходзіў 9-13 лістапада 2005 года ў Маскве. Белтэлерадыёкампанія была ўзнагароджана спецыяльным дыпломам за фарміраванне адзінай інфармацыйнай прасторы Еўразіі і спецыяльным памятным медалём.

За серыю інфармацыйных матэрыялаў аб Саюзнай дзяржаве тэлеканал "Беларусь-ТБ" адзначаны спецыяльным дыпломам і знакам пераможцы на конкурсе журналісцкіх работ "Беларусь-Расія. Крок у будучыню", які праводзіўся Пастаянным камітэтам Саюзнай дзяржавы па выніках 2005 года.

28 сакавіка 2008 года тэлеканал "Беларусь-ТБ" пачаў вяшчанне на спадарожніку Galaxy 19 (97°W), сігнал якога распаўсюджваецца на тэрыторыі Паўночнай Амерыкі. З гэтага моманту ўладальнікі больш як 2 мільёнаў антэн у ЗША і Канадзе, а таксама жыхары Мексікі, Гватэмалы, Кубы, Дамініканскай Рэспублікі, Пуэрта-Рыка атрымалі магчымасць глядзець праграмы беларускага канала.

Вяшчанне "Беларусь-ТБ" ажыццяўляецца ў рамках сэрвісу WorldTV кампаніі GlobeCast. Акрамя беларускага канала, WorldTV распаўсюджвае больш як 200 міжнародных і радыёканалаў на 35 мовах з 42 краін свету.

У 2009 годзе Нацыянальная дзяржаўная тэлерадыёкампанія Рэспублікі Беларусь падпісала дагавор з Russian Media Group, LLC (Нью-Джэрсі) аб распаўсюджванні тэлеканала "Беларусь-ТБ" у Злучаных Штатах Амерыкі. З 15 красавіка гледачы пакета RTN Platinum змогуць глядзець беларускія праграмы.

RTN Platinum - пакет з васьмі рускамоўных тэлевізійных каналаў, якія распаўсюджваюцца кампаніяй Russian Media Group, LLC кругласутачна. На гэты момант ён уключае ў сябе RTN, RTN+, "Першы канал" (Расія), "РТР-Планета", "Весткі", "Ізраіль Плюс", "Рускі Свет", "Беларусь-ТБ" і чатыры каналы радыё.

Падпісанты RTN Platinum ёсць у 1100 гарадах 39 штатаў. Больш за ўсё гледачоў пражывае ў Нью-Ёрку, Нью-Джэрсі, Лос-Анджэлесе, Чыкага, Сан-Францыска, Філадэльфіі, Бостане.

13 снежня 2009 года пасля заключэння дагавора паміж Нацыянальнай дзяржаўнай тэлерадыёкампаніяй Рэспублікі Беларусь і кампаніяй I-RED Israel LTD міжнародны спадарожнікавы тэлеканал "Беларусь-ТБ" з'явіўся ў сетцы мабільнага тэлебачання Orange ў Ізраілі. Вяшчанне вядзецца кругласутачна і ў высокай лічбавай якасці.

Тэлеканал "Беларусь-ТБ" прадаўжае работу па пашырэнні вяшчання ў кабельных сетках у замежных краінах і, адпаведна, павелічэнні аўдыторыі гледачоў.